28 март, душанба куни Калининградга текширув билан келган Россия мудофаа вазири Сергей Шойгу самолёти Балтика денгизи нейтрал сувлари устида парвоз этаётганда унга Россия денгиз авиациясининг Су-27 қирувчилари ҳамроҳлик қилди. Бу ҳақда Meduza хабар бермоқда.
Россия самолётларини тахминан икки километр масофада НАТОнинг Eurofighter Typhoon қирувчилари кузатиб борди. Улар мудофаа вазирининг ҳаво кемасига яқинлашмагани айтилмоқда.
Шойгу Калининградга вилоят ҳудудида жойлашган ҳарбий қисмларда инфратузилма қурилишининг бориши ва жанговар тайёргарлик ҳолатини текшириш учун келди. Шунингдек, вазир ташриф давомида Чкаловск ҳарбий аэродромида реконструкция ишларининг бориши, Ушаков номидаги Балтика ҳарбий-денгиз институтида ўқиш жараёни билан танишуви ҳам кўзда тутилган.
Маълумот учун, НАТО қирувчилари Россия самолётларини альянс мамлакатлари чегараси яқинида кузатиб бориш учун мунтазам равишда ҳавога кўтарилади.
Изоҳ (0)