22—24 март кунлари Россия ҳарбий-космик кучлари самолётлари Хомс провинциясидаги Пальмира ҳудудида Сурия қўшинлари ҳужумларини қўллаб-қувватлаш ва ИШИД жангариларига зарба бериш учун 41 марта парвозларни амалга оширди. Бу ҳақда Россиянинг Сурия ҳудудида томонларни яраштириш маркази бошлиғи генерал-лейтенант Сергей Кураленко маълум қилди, деб ёзади «ТАСС».
«Ушбу хатти-ҳаракатлар натижасида Россия авиацияси террорчиларнинг 146 та объекти, шу жумладан, бошқарув пунктлари, ўқ-дори омборлари, артиллерия қурилмалари, танк ва автомобиль техникасини йўқ қилди», — деди у.
Эслатиб ўтамиз, аввалроқ Сурия армиясининг ҳукумат қўшинлари ИШИД жангариларидан Пальмира шаҳри қўрғонини олиб қўйгани хабар берилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)