Рим папаси Франциск Буюк (пок) пайшанба муносабати билан «Сирли кеча хотиралари» кечки ибодатини амалга оширди, деб ёзади «ТАСС». Маросим Италия пойтахти ташқарисидаги Кастельнуово-ди-Порто шаҳарчасида жойлашган Қочоқларни қабул қилиш марказида бўлиб ўтди.
Понтифик ўз мақомининг тан олинишини кутаётган 11 нафар қочоқ (эркаклар ва аёллар, мусулмонлар, ҳиндуийлар, копт насронийлари ва католиклар) ва Марказнинг кўнгилли ходималаридан бирининг оёғини ювиб қўйди.
Папа кенгашини бошқарадиган архиепископ Рино Физикелла аниқлик киритишича, «Рим бош руҳонийсининг ушбу қарори бошқа кўпчилик яқинлашишни ҳам истамайдиганлар олдида тиз чўкиб, уларнинг оёқларини ювиб қўйиш истаги билан изоҳланади, маданий ва демократик Европа эса бу пайтда ушбу муаммодан ўзини паналаб олган». Унинг сўзларига кўра, «қочоқларнинг оёқларини ювиш учун бош эгар экан, папа ҳозирги тарихий онларда энг заифларга эътибор айниқса муҳимлигини, биз уларга қадр-қимматини қайтариб беришга масъул эканлигимизни айтмоқчи».
Изоҳ (0)