Россиянинг Архангельск вилоятидаги Плесецк космодромидан ҳарбий мақсадлар учун мўлжалланган коинот қурилмаси бўлган «Союз-2.1а» ташувчи ракетаси парвоз қилди. Бу ҳақда Россия мудофаа вазирлиги матбуот хизмати маълум қилди, дея хабар беради «ТАСС».
«‘Союз-2.1а’ ракетасининг учишолди операциялари ва парвози белгиланган тартибда ўтди. Москва вақти билан 12:52 да қурилма ташувчи ракетанинг учинчи поғонасидан ажралди ва кўзда тутилган вақтда ҳисоб орбитасига чиқарилди», — дея билдирган вазирлик вакили.
Бу йил бошидан бери «Союз-2» ташувчи ракетасининг Плесецкдан иккинчи бор учирилиши. Ўтган йили космодромдан мазкур ракеталар беш, «Рокот» ракеталари эса икки бор парвоз қилган.
Изоҳ (0)