Буюк Британия олимлари Уильям Шекспир қабрида унинг бош суяги йўқлигини билдирмоқда. Бу ҳақда Independent нашрига таяниб, «РИА Новости» хабар бермоқда.
Британиялик тадқиқотчилар машҳур драматург кўмилган жойни георадарлар ёрдамида ўрганган ва бош суяги ўғирланган бўлиши мумкинлиги ҳақидаги хулосага келган. «Сканерлаш натижалари жасаднинг бош қисмида нимадир бўлганини кўрсатмоқда. Шу сабабли биз қабр дахлсизлигини кимдир бузган бўлиши мумкинлиги ҳақидаги тахминга келдик», — дея таъкидлайди Стаффордшир университети археологи Кевин Коллс.
Шекспирнинг боши у ўзи кўмилган Стратфорд-апон-Эйвон шаҳридаги Муқаддас учлик черковида эмас, шаҳардан 20 километр узоқликдаги Биоли шаҳри черковида сақланаётгани ҳақидаги версия ҳам ўз тасдиғини топмади: олимлар мазкур бош суяги 70 ёшли аёлга тегишли эканлигини аниқлади.
Изоҳ (0)