АҚШ Марказий разведка бошқармаси собиқ ходими Эдвард Сноуден яқин орада АҚШга қайтиши амри маҳол. Бундай фикрни унинг россиялик адвокати Анатолий Кучерена айтиб ўтди, деб ёзади «Интерфакс».
«Эдвард — Американинг, ўз мамлакатининг ватанпарвари, у ўз ватанини севади ва албатта у ерга қайтиб боришни истайди — бу табиий. Аммо Америка ҳукумати ва маҳаллий атоқли сиёсатчиларнинг позицияси ҳамда унга қарата айтилаётган асоссиз айбловларни ҳисобга олган ҳолда, у ўз мамлакатида холис суд қилинишига умид қилмаса ҳам бўлади», — деди Кучерена.
Унинг сўзларига кўра, АҚШ президентлигига асосий номзодлар — Дональд Трамп ва Ҳиллари Клинтон ҳам сайловолди кампанияси чоғида Эдвардни турли жиноятларда асоссиз равишда айбламоқда ва Россиядан уни қайтаришни талаб қилмоқда, бу ҳам Сноуденнинг ўз ватанига қайтишига тўсқинлик қилмоқда.
Аввалроқ қатор ОАВлар қочоқ америкалик АҚШга қайтишга тайёрлигини маълум қилгани ҳақида хабар тарқатган эди.
Изоҳ (0)