Гондурас расмийлари 11 март, жума куни Зика безгаги асорати ҳисобланадиган Гийена-Барре синдроми туфайли биринчи ўлимни қайд этди. Бу ҳақда «ТАСС» хабар бермоқда.
Мамлакат соғлиқни сақлаш вазирининг ўринбосари Франсис Контрераснинг маълум қилишича, Сан-Педро-Сула шаҳрида яшовчи 22 ёшли эркак касаллик оқибатида оламдан ўтган.
Гондураснинг яна 57 нафар фуқаросида Гийена-Барре синдроми кузатилган. Мамлакатда Зика, денге ва чикунгунья безгаклари билан хасталанишнинг жами 25 мингдан зиёд ҳолати қайд этилган.
Изоҳ (0)