Шу йил 3 мартидан бери Мексикада грипп ва унинг асоратларидан 84 киши нобуд бўлди. Бу ҳақда мамлакат соғлиқни сақлаш вазирлиги маълум қилди, дея хабар беради «Корреспондент.net».
Шу тариқа мамлакатда 2015 йил октябридан бошлаб гриппдан қазо қилганлар сони 182 кишига етди, чўчқа гриппи туфайли эса октябрдан бери 140 киши вафот этган. Гриппнинг турли кўринишларига чалинганларнинг умумий сони 5,9 минг кишини ташкил этмоқда, бир ҳафта мобайнида ўсиш салкам 1,8 минг кишига етган. Вирус кўпроқ Мехико, Халиско, Тласкала ва Пуэбла штатлари, шунингдек, мамлакат пойтахти аҳолиси орасида кузатилган.
Олдинроқ расмийлар грипп хуружи туфайли мактабларни ёпишнинг ҳозирча ҳожати йўқлигини билдирганди. Шу билан бирга, кўплаб хусусий болалар боғчалари ва мактаблар машғулотларни вақтинча тўхтатиш тўғрисида қарор қабул қилди.
Изоҳ (0)