Хитой жанубидаги Гуандун провинциясида Зика безгаги билан боғлиқ икки янги ҳолат аниқланди. Бу ҳақда «ТАСС» хабар бермоқда.
Вирус 3 март куни Венесуэладан Хитойга келган 47 ёшли киши ва унинг 6 ёшли қизида аниқлангани айтилмоқда. Айни пайтда улар интенсив даволаш курсини ўтамоқда ва уларнинг ҳолати барқарор, деб баҳоланмоқда.
Олдинроқ вирус билан боғлиқ 10 та ҳолат қайд этилган Хитойда расмийлар G20 саммитидан олдин Зика безгагига қарши кураш бошлагани ҳақида хабар берилганди.
Изоҳ (0)