Туниснинг Ливия билан чегараси яқинидаги Бен-Гердан шаҳрида ўтказилган махсус операция натижасида камида 35 нафар террорчи йўқ қилинди. Яна етти нафар жангари қўлга олинган. Бу ҳақда мамлакат ички ишлар ва миллий мудофаа вазирликларининг қўшма баёнотида маълум қилинган, дея хабар беради «ТАСС».
Операция чоғида 7 нафар тинч аҳоли вакили ва 10 нафар куч тизими ходимлари ҳам ҳалок бўлган.
Мамлакат хавфсизлик хизматлари Тунисга суқилиб кирган жангариларни тор-мор этиш учун қўшимча кучлар, шунингдек, вертолётларни сафарбар этмоқда. Рас-Ждир ва Вазен-Дехиба назорат-рухсат бериш пунктлари ёпиб қўйилган. Бен-Гердан шаҳри аҳолисига хотиржамликни сақлаш ва уйларини тарк этмаслик, жорий этилган комендантлик соатига риоя этиш тавсия этилган.
Изоҳ (0)