Ижтимоий тармоқлар фойдаланувчилари #РамзанНеУходи («Рамзан кетма») ҳэштеги остида кампания бошлади, дея хабар бермоқда TJournal.
«Республика раҳбари митинглар ўтказмасликни сўрадими, демак албатта ҳеч ким уларни ўтказмайди, бироқ бундай акция интернетда аллқачон бошланди, жадаллашиб бормоқда. Нима бўлганда ҳам, у Рамзан Қодировга уни республика аҳолиси ҳам, бутун Россия аҳолиси ҳам қўллаб-қувватлашини кўрсатишдан иборат», — деди Чеченистон ёшлари иттифоқи раиси Рустам Тапаев.
#РамзанНеУходи ҳэштеги бир неча соат ичида Россия Twitter’и трендига чиқди. Тег бўйича Чеченистоннинг амалдаги раҳбарига қаратилган, унинг ўз лавозимида қолиши сўралган илтимосларни, шунингдек, танқид ва ҳазилларни топиш мумкин.
Қодировнинг Чеченистон Республикаси раҳбари лавозимидаги ваколати муддати 2016 йил 5 апрелда тугайди.
Эслатиб ўтамиз, олдинроқ Россия президенти матбуот котиби Дмитрий Песков Рамзан Қодировнинг келгуси тақдири ҳақидаги қарор унинг ваколати тугаганидан сўнг қабул қилинишини билдирганди.
Қодировнинг ўзи эса мамлакат раҳбарияти унинг ўрнига бошқа кишини топиши зарурлигини маълум қилган, унинг ваколатларини узайтириш учун митинг ва бошқа акциялар ўтказмасликни сўраган эди.
Изоҳ (0)