Марокашда туркум йирик терактлар амалга оширишни режалаштирган ва махсус хизматлар томонидан қўлга олинган террорчиларда биологик қурол топилган. Бу ҳақда мамлакат суд текширувлари марказий бюроси директори Абдулҳақ Хиём маълум қилди, дея хабар беради «ТАСС».
«Ҳибсга олинган террорчилардан кўплаб қуроллар, жумладан, биологик қурол мусодара этилди. Улар орасида Франция фуқароси ҳам бор. Биринчи марта вояга етмаган ўсмирни қўлга олдик, у парламентни портлатиши лозим бўлган», — дея таъкидлаган Абдулҳақ Хиём.
Эслатиб ўтамиз, олдинроқ Марокаш махсус хизматлари террорчи гуруҳнинг 10 нафар аъзосини қўлга олгани ва улар томонидан мамлакатда 19 февраль куни амалга оширилиши режалаштирилган терактга чек қўйгани ҳақида хабар берилганди.
Изоҳ (0)