Россиялик марҳум сиёсатчи Борис Немцов оиласи адвокати Вадим Прохоровнинг маълум қилишича, Интерпол бош котибияти сиёсатчининг қотиллигини ташкил қилганликда гумонланаётган Руслан Муҳиддиновни қидирувга берди. Бу ҳақда «Интерфакс» маълумотига таяниб, «Газета.ru» ёзмоқда.
«Муҳиддиновнинг қидирув ишлари Интерпол томонидан ташкил этилгани менга маълум», – деб таъкидлади Прохоров.
Унинг уқтиришича, қидирув ишлари билан нафақат Интерполнинг Россиядаги бюроси, балки Лиондаги бош штаби ҳам шуғулланмоқда.
«Сайтда ахборот йўқ, лекин маълумот у ерга жойлаштирилишига ҳаракат қиламиз. Биз Муҳиддинов қотилликка бевосита алоқадор деб ҳисоблаймиз, лекин унинг ролини ошириб юбориш ҳам, камайтириш ҳам керак эмас. У, афтидан, ижрочи, ташкилотчидир», – деди адвокат.
Россиялик мухолиф сиёсатчи Борис Немцов 2015 йилнинг 27 февралида Москва марказида ўлдириб кетилган эди.
Изоҳ (0)