АҚШнинг Вашингтон штатида эркак оиласининг тўрт нафар аъзосини отиб ўлдирди ва жонига қасд қилди. Фақат қотилнинг фарзанди эканлиги тахмин қилинган қизалоқ омон қолган. Бу ҳақда Мэйсон округи полицияси маълум қилган, дея хабар беради «ТАСС».
Жиноятчининг ўзи полицияга қўнғироқ қилган ва оиласини ўлдирганини билдирган. Ҳодиса жойига етиб келган полиция махсус бўлинмаси эркак билан уч соат давомида музокаралар олиб борган, бироқ улар натижасиз якунланган. Бўлинма бостириб кирганда жуда кеч бўлганди.
Фожиа йирик шаҳарлар ва аҳоли пунктларидан йироқда жойлашган манзилда рўй берган. Уйда қўшимча хоналар кўп бўлгани ва полиция уларда жиноятчининг эҳтимолий шерикларини қидиришга анча вақт сарфлагани айтилмоқда.
Изоҳ (0)