АҚШнинг Жоржия штати расмийлари икки йил аввалги полиция рейди давомида оғир яраланган боланинг ота-онасига товон тариқасида 3,6 миллион доллар тўлайди. Атланта шаҳридаги федерал суд 26 февраль, жума куни шундай мазмундаги келишувни тасдиқлади, дея хабар беради «ТАСС».
«Болакай ва унинг оиласи учун энг яхши натижага эришишга ҳаракат қилдик. Келишув бўлиб ўтган ҳолатни ўнглолмайди, бироқ оила фожиани унутиши ва олдинга қадам ташлашига ёрдам беришига умид қиламиз», — дея таъкидлаган адвокат Мед Дэвис.
2014 йили полиция 2 ёшга тўлмаган ўғилнинг онаси Алисия Фонсаван уйига бостириб киради. Мазкур уйда наркодилер яширингани ҳақида нотўғри маълумот олган полициячилар штурмдан аввал ичкарига ёруғлик-товуш гранатасини улоқтиради. Граната тўғри боланинг манежига бориб тушади ва унинг юзи ҳамда кўкрагига қаттиқ шикаст етказади.
Ушбу иш бўйича бир нафар полициячи — шериф ўринбосари Никки Отри суд қилинган ва айбсиз деб топилганди.
Изоҳ (0)