Шимолий Корея раҳбари Ким Чен Ин танкка қарши кўчма бошқарилувчи ракета комплексининг муваффақиятли синовидан сўнг енгил турдаги қуроллар афзаллигига алоҳида эътибор қаратди. Бу ҳақда Корея марказий телеграф агентлиги маълум қилган, дея хабар беради «ТАСС».
Ким Чен Ин Корея Меҳнат партияси марказий ҳарбий комиссияси номидан комплекс яратилишида иштирок этган олимлар, технологлар ва мудофаа саноати ишчи-ходимларига миннатдорчилик билдирди.
«Фронт яқинидаги қуролли қисмлар ва қирғоқ ҳимояси кучларига жўнатиш учун мазкур комплексларни туркум ва оммавий ишлаб чиқаришга киришиш зарур. Душман танклари ва бошқа зирҳли техникасини йўқ қилиш учун мўлжалланган қуролларнинг енгил турлари КХДР ҳудудининг ўзига хос шароитларида афзалликларга эга», —дея таъкидлаган Шимолий Корея етакчиси.
Синовлар қаерда ўтказилганига аниқлик киритилмаган.
Изоҳ (0)