Украина Олий Радасида Арсений Яценюк ҳукуматининг истеъфосини ёқлаб овоз бермаслик учун халқ депутатларига 1 миллион долларгача бўлган миқдорда пул беришган. Бу ҳақда «112 Украина» телеканали эфирида «Батькившчина» фракцияси раҳбари Юлия Тимошенко маълум қилди, деб ёзади «Корреспондент.net».
«Парламентда ҳукумат истеъфосини ёқлаб берилмайдиган ҳар битта овоз учун бир миллион долларгача пул тўлашгани ҳақидаги гап оғиздан-оғизга ўтиб юрди. Бу даҳшатли. Бу ҳақиқатан даҳшатли. Чунки бу оммавий тарзда сотиб олиш бўлди. Афсуски, бизда бундай сиёсий тўдалар, фитна ва мафиялар ичида на Миллий аксилкоррупция бюроси, на коррупция қарши бошқа органлар ишлайди», — деди Тимошенко.
Эслатиб ўтамиз, 16 февраль, сешанба куни Олий Рада ҳукуматни истеъфога чиқара олмади. Мажлисда 194 нафар халқ депутати овоз берди, лойиҳа қабул қилиниши учун эса камида 226 та овоз тўпланиши керак.
Изоҳ (0)