Американинг тўртта F-22 стратегик кўринмас қирувчи самолёти Жанубий Кореяга етиб келди, деб ёзади «РИА Новости» «Рёнхап» агентлигига таяниб.
17 февраль, чоршанба куни Америка қирувчи самолётлари Кёнгидо провинцияси Осан шаҳридаги АҚШ ҳарбий базаси устидан пастлаб учиб ўтган.
Аввалроқ агентлик Сеулдаги ҳарбий манбасига таяниб, АҚШ 17 февраль куни Жанубий Кореяга тўртта бешинчи авлод F-22 кўпнишонли қирувчисини жойлаштириши ҳақида хабар қилган эди. Айни пайтда АҚШ бундай синфдаги қирувчи самолётларга эга ягона мамлакат бўлиб қолмоқда. Бошқа мамлакатлар, жумладан, Россия, Ҳиндистон ва Хитойнинг лойиҳалари ҳали ишлаб чиқилмоқда.
Изоҳ (0)