Песков: Москва ва Ар-Риёднинг нефть бўйича музокаралари Сурияга алоқадор эмас
Россия ва баъзи ОПЕК (Нефтни экспорт қилувчи мамлакатлар ташкилоти) мамлакатлари, хусусан, Саудия Арабистони ўртасида нефть нархини жорий йил январи даражасида сақлаб қолиш ҳақидаги келишув Россия ва Саудия Арабистони Сурия бўйича битимга келганини тахмин қилиш учун асос бўла олмайди. Бу ҳақда Россия президенти матбуот котиби Дмитрий Песков айтиб ўтди, деб ёзади «РИА Новости».
«Булар турли субстанциялар. Ушбу ҳолатда гап энергия манбаларининг жаҳон бозори ҳақида бормоқда, Россия ва Саудия Арабистони дунёдаги энг йирик нефть ишлаб чиқарувчилар ва қазиб чиқарувчилар бўлгани туфайли, улар ўз манфаатларига риоя қилиниши мавзусида музокаралар олиб бориши табиий ҳол. Иккала томон ҳам табиий равишда бундай музокараларга қизиқиш билдирди», — деди Песков журналистларга.
Аввалроқ Саудия Арабистони ва Россия дунё бозорида нефть хомашёси керагидан ортиқ бўлиб кетгани туфайли, нефть қазиб чиқариш ҳажмини қотириб қўйишга келишиб олган эди.
