11 февралнинг эътиборга молик янгиликлари — «Дарё»нинг кечки дайжестида.
1. Фото: Қор остида қолган Қизилқум чўли. Маълумотларга кўра, ўтган икки кун давомида Ўзбекистоннинг ғарбий ва марказий ҳудудларида яхшигина қор ёғди.
2. Тожикистонда президентга чекланмаган тарзда сайланиш ҳуқуқини бериш бўйича референдум ўтказилади. Амалдаги конституцияга кўра, мамлакатни 1994 йилдан бери бошқараётган Эмомали Раҳмон 2020 йилда президентликка сайлана олмайди.
3. Ўзбекистонда 2016 йили 17,2 мингта Matiz Россиянинг сертификатлаш талаблари даражасига етказилади. 2016 йил августида чиқарила бошланганига 15 йил тўладиган ушбу модель Россия бозоридаги энг арзон автомобиллар рейтингида январь ойида ҳам пешқадамликни сақлаб қолди.
4. Америкада Google автомобилларини бошқариш тизимини расман ҳайдовчи деб аташга рухсат берилди. Энди автомобиль бошқарувини амалга ошираётган ҳар қандай киши ёки нарса юридик жиҳатдан «ҳайдовчи» деб ҳисобланади.
5. Грузияда табарруклаштирилган Apple қурилмалари сотуви бошланди. Энди грузиялик харидорларнинг Apple маҳсулотларига нисбатан муносабати яхши томонга ўзгариши умид қилинмоқда.
Бонусга тест ва фотолойиҳа — Тўғри логотипни топа оласизми? ва Аралаш қонлар гўзаллиги.
Изоҳ (0)