Саудия Арабистони ташқи ишлар вазири Одил ал-Жубайр айни пайтда Сурияда қуруқликдаги операция имконияти муҳокама қилинаётганини айтди, деб ёзади «РБК». Унинг сўзларига кўра, Саудия Арабистони ИШИДга қарши курашиш учун махсус топшириқли бўлинмаларни юборишга тайёр.
«АҚШ раҳбарлик қилаётган коалиция томонидан Сурияда қуруқликдаги операцияни ўтказиш масаласида муҳокама олиб борилмоқда. Ва Саудия Арабистони, бундай операция тасдиқланган тақдирда, ўз махсус бўлинмаларини тақдим этишга шайлигини билдирди», — деди вазир. У Сурияга нечта жангчи йўналтирилишига аниқлик киритмади.
Одил ал-Жубайр бундай баёнот билан АҚШ давлат котиби Жон Керри билан учрашувдан сўнг чиқиш қилди. Улар музокаралар давомида асосан Сурия ва Ямандаги низолар ҳақида суҳбатлашди.
Изоҳ (0)