Конго Демократик Республикасидаги тўқнашувлар натижасида камида 15 киши ҳалок бўлди

Конго Демократик Республикаси (КДР) шарқидаги қуролланган гуруҳлар ўртасидаги тўқнашувлар натижасида камида 15 киши ҳалок бўлди, деб хабар беради «ТАСС».

AFP маълумотларига кўра, ҳодиса Шимолий Киву провинциясида юз берган. «Маълумотларга кўра, 15 дан 30 кишигача одамнинг жасади топилди», — деди маҳаллий ҳукумат вакилларидан бири.

Айнан қайси гуруҳлар ўртасида тўқнашувлар бўлгани ҳақида маълумотлар йўқ.

КДР шарқида «Демократик кучлар альянси» ва «Руанда озодлиги демократик кучлари» гуруҳлари ҳаракат қилади.