Тошкентда Lenovo Vibe P1 смартфони сотувга чиқди

Ўзбекистонда Lenovo компаниясининг Vibe P1 смартфонлари сотуви бошланди. Бу ҳақда «Mobinfo.uz» хабар бермоқда.

Мазкур қурилма биринчи галда смартфон узоқ вақт мобайнида қувват олмай ишлашини истовчи мижозлар учун мўлжалланган: телефон 5000 мА/соатли аккумулятор батареяга эга, шунингдек, тез қувватланиш ва бошқа қурилмалардан қувватланиш функциялари, корпусида эса энергия тежовчи тугмаси мавжуд.

Vibe P1 8 ва 2 мегапикселли икки фронтал камера, 13 мегапикселли асосий камера, 5,5 дюймли Full HD-экран, Snapdragon 615 процессори, 2 Гб тезкор хотира ва 32 Гб доимий хотирага эга.