Хитой халқ банки 28 январь, пайшанба куни мамлакат молия тизимига 340 миллиард юань (51,9 миллиард доллар) киритди. Бу ҳақда «Интерфакс» хабар бермоқда.
The Wall Street Journal нашрининг маълум қилишича, банк шу тариқа йилнинг ушбу даври учун хос бўлган, февралнинг иккинчи ҳафтаси давомида нишонланадиган Ой тақвими бўйича Янги йил байрами билан ҳам боғлиқ маблағ тақчиллигининг олдини олишга ҳаракат қилмоқда.
26 январь, сешанба куни ўтказилган шундай амалиёт (440 миллиард юань) ва тўлов муддати ўтган қарз ҳажмини (190 миллиард юань) ҳисобга олганда, Халқ банки шу ҳафтада мамлакат иқтисодиётига киритган маблағ 590 миллиард юанни (90,06 миллиард доллар) ташкил этди. Бу 2013 йил февралидан бери қайд этилган энг юқори кўрсаткич ҳисобланади.
Изоҳ (0)