Давлат думасининг «Адолатли Россия»дан депутати Олег Михеев Божхона иттифоқи техник регламентига ўзгартиришлар киритишни таклиф қилди, деб ёзади «РБК».
Унга кўра, таркибида қанд ва ёғ миқдори юқори бўлган озиқ-овқат маҳсулотлари — чипслар ва газли ичимликлар қўрқинчли расмлар билан маркаланиши керак.
Тегишли таклифни у Россия президенти Владимир Путинга йўналтирди.
Депутат аниқлик киритишича, бундай маҳсулотлар қадоғига, сигарет қутиларида бўлгани каби, улар келтириб чиқарадиган касалликлар тасвири туширилиши керак. Унинг сўзларига кўра, ушбу чора, биринчи ўринда, 100 граммига 12,5 грамм шакар тўғри келадиган картошка чипслари ва ҳар юз граммида 10 грамм шакар сақлайдиган газли ичимликларга тегишли бўлиши керак.
Изоҳ (0)