Россиянинг Жанубий Урал минтақаси аҳолиси 28 январь, пайшанба куни бу йил ҳисобидан биринчи бор «уч қуёш чиқиши» деб аталадиган ноёб оптик ҳодиса — галони кузатди. Бу ҳақда «ТАСС» хабар бермоқда.
«Минтақада ҳаво ҳарорати кечки пайт 24 даража совуққача тушмоқда, шу сабабли булутларда олти қиррали муз кристаллари пайдо бўлган. Уларнинг орасида қуёш нурлари синиб, гало эффектини келтириб чиқаради», — дея изоҳ берган Свердовск вилояти бош синоптиги Галина Шепоренко.
Ўтган йили Урал федерал округи аҳолиси етти бор «уч қуёш чиқиши»га гувоҳ бўлганди.
Эслатиб ўтамиз, 5 январь куни Россиянинг Санкт-Петербург шаҳрида ҳам уч қуёш кўринганди.
Изоҳ (0)