Суриялик қочоқ Голландиянинг Зандам шаҳри яқинидаги бошпана изловчиларни қабул қилиш марказида ўзига ўт қўйди. Ҳодиса 20 январь, чоршанба куни кечқурун рўй берган, деб хабар қилади «ТАСС».
Noordhollands Dagblad нашри хабарига кўра, эркак Суриянинг Алеппо шаҳридан келган. У ўзига ёнувчи суюқлик сепиб, ёқиб юборди. Шундан кейин эркак Туркияда қолиб кетган болаларини кўришни истаётгани ҳақида қичқира бошлади. Сурияликка унинг юртдошлари ёрдамга етиб келди, улар ўтни ўчириб, тез ёрдам чақирди. У яқин орадаги госпиталга юборилди, унинг ҳаётига ҳеч нарса хавф солмаяпти.
Суриялик эркак Зандам яқинидаги палаталардан иборат лагерда беш ойдан бери яшаб келади. У келганида бошпана масаласидаги талабнома уч ой ичида кўриб чиқилишини маълум қилишганди. Аммо ҳозиргача бу масала кўриб чиқилгани йўқ.
Бир қанча қочоқлар аризалар тезроқ кўриб чиқилиши учун очлик эълон қилишини билдирди. Кузатувчиларнинг айтишича, ҳужжатларнинг секин расмийлаштирилиши натижасида Нидерландиядаги қочоқлар орасида тушкунлик ошиб бормоқда.
Изоҳ (0)