АҚШ ҳукумати Ироқ ҳарбий-ҳаво кучларининг F-16 қирувчи самолётлари учун лазер кўрсаткичли бомбалар, «ҳаво-ҳаво» туркумидаги бошқарилувчи ракеталар ва бошқа аслаҳалар сотилишини маъқуллади. Бу ҳақда «ТАСС» хабар бермоқда.
Reuters маълумотларига кўра, АҚШ мудофаа вазирлигининг мудофаа бўйича ҳамкорлик ва хавфсизлик агентлиги мазкур қарор тўғрисида мамлакат қонун чиқарувчиларини 15 январь куни огоҳлантирган. Уларда 1,95 миллиард доллар баҳоланаётган келишувни маъқуллаш ёки рад этиш учун 30 кун муддат бор.
Ушбу суммадан 550 миллион доллар бевосита қурол-яроғ учун ажратилади. Қолган маблағ техник қўллаб-қувватлаш, логистика ва америкалик ходимларнинг авиабазаларда иш билан таъминлашга сарфланади. Келишув шартларига кўра, Ироққа у ерда 2020 йилгача яшайдиган ва ишлайдиган 400 нафар мутахассис юборилиши кўзда тутилган.
Изоҳ (0)