Show Legend портали сўнгги 10 йил давомида халқаро теннис рейтингида кучли 50 таликдан жой олиб, теннисдаги келишилган ўйинларда қатнашгани гумон қилинаётган 16 нафар теннисчининг исмини ошкор этди, дея хабар бермоқда «Чемпионат».
Аввалроқ BuzzFeed интернет-портали унинг ихтиёрида теннисда келишилган ўйинлар борлигини тасдиқловчи махфий ҳужжатлар борлиги, мазкур ҳужжатларда келишилган ўйинларда қатнашган теннисчиларнинг исмлари ёзилгани ҳақида хабар берганди.
Манба маълумотларига кўра, россиялик Теймураз Габашвили, Александр Богомолов, Игорь Андреев, қозоғистонлик Андрей Голубев, австралиялик Ллейтон Хьюитт ва Мэттью Эбден, сербиялик Янко Типсаревич, хорватиялик Иван Додиг, испаниялик Альберт Монтаньес ва Даниэль Химено-Травер, аргентиналик Хуан-Игнасио Чела, словакиялик Лукаш Лацко, чехиялик Ян Гайек, америкалик Майкл Расселл кабилар гумон остида.
Гумонланувчилар орасида Ўзбекистоннинг биринчи рақамли ракеткаси Денис Истомин ҳам борлиги айтилмоқда.
Қайд этиш жоиз, келишилган ўйинларда қатнашганликда гумон қилинаётган ва исмлари келтирилган 15 нафар теннисчидан 8 нафари айни вақтда давом этаётган Австралия Очиқ чемпионати иштирокчиси ҳисобланади. Денис Истомин чемпионатнинг биринчи даврасидан кейиноқ мусобақадан чиқиб кетди.
Изоҳ (0)