«Барселона» ҳужумчиси Лионель Месси солиқ тўлашдан бўйин товлашга оид иш бўйича 31 май куни судда жавоб беради. Суд муҳокамаси Барселонада 3 июнга қадар давом этади, дея хабар беради «ТАСС».
Аргентиналик футболчи ва унинг отаси Хорхе Орасио Месси 4,1 миллион евро миқдоридаги солиқларни тўламаганликда айбланмоқда. Прокурорнинг маълумотларига кўра, ўйинчи 2007—2009 йилларда олинган даромаддан солиқ тўламаган.
Месси Испания ғазнасига 10 миллион евро тўлаган ва унга қарши очилган иш тўхтатилиши учун яна 15 миллион евро беришга тайёр бўлган, бироқ маҳаллий расмийлар бундан бош тортган.
Изоҳ (0)