ЎзМТРК «Спорт» телеканалидаги «Футбол шарҳи» кўрсатуви баҳорда эфирга қайтиши мумкин. Бу ҳақда «Дарё»нинг «Спорт» телеканалидаги манбалари маълум қилди.
Қайд этишларича, шу вақтгача 2015 йил охиригача Зафар Имомхўжаев муаллифлигида эфирга чиққан «Футбол шарҳи» дастури футбол бўйича 2016 йилги Олий Лига ўйинлари старт олганидан сўнг, бошқа ном, бошқа бошловчи билан эфирга қайтиши мумкин.
Аввалроқ Зафар Имомхўжаев, шунингдек, Диёр Имомхўжаев ўз хоҳишига кўра ариза ёзиб, «Спорт» телеканалидаги фаолиятини тўхтатгани, уларнинг муаллифлик кўрсатувлари тўхтатилгани ҳақида хабар берилган эди.
Қайд этиш жоиз, «Футбол шарҳи» футбол бўйича Ўзбекистон чемпионати, шунингдек, Ўзбекистон миллий терма жамоаси учрашувлари ва ўзбек футбол клубларининг халқаро майдондаги иштироки таҳлилига бағишланган кўрсатув эди.
Маълумот учун, футбол бўйича 2016 йилги Ўзбекистон чемпионати баҳслари баҳорда бошланиши кутилмоқда.
Изоҳ (0)