Франция футбол федерацияси президенти Ноэль Ле Грэ шантажда гумон қилинаётган «Реал» ҳужумчиси Карим Бензема мамлакат терма жамоасидан четлатилиши билан боғлиқ вазиятга изоҳ берди. Бу ҳақда L'Equipe хабар бермоқда.
«Яхши ва ёмон инсонларни таълимда ҳам, бизнесда ҳам, исталган жойда учратиш мумкин. Бензема жуда ёмон муҳитда ўсган, ушбу вазиятда эса унинг нодонлиги ошкор бўлиб қолди. У ўзини ғирт эшак каби тутган. Аслида ҳозирги ҳолатда ақл ўргатиш кимгадир наф беришига ишонмайман», — дея фикр билдирган Ле Грэ.
Эслатиб ўтамиз, Карим Бензема Франция терма жамоаси сафидан ўтган йилнинг 10 декабрида номаълум муддатга четлатилди. У шу йили юртида бўлиб ўтадиган Европа чемпионати ўйинларини ўтказиб юбориши мумкин.
Изоҳ (0)