Германияда 3,6 минг кишини ўлдиришда қатнашганликда айбланаётган 95 ёшли эркак суд олдида жавоб беради. Бу ҳақда Нойбранденбург шаҳри суди вакилига таяниб, «ТАСС» хабар бермоқда.
Прокуратура маълумотларига кўра, айбланувчи Освенцим концентрацион лагеридаги 3681 нафар маҳбуснинг ўлимига алоқадор. У ўлим лагерида 1944 йилнинг 15 августидан 14 сентябригача санитар бўлиб ишлаган. Шу билан бирга у Немис миллий-социал ишчи партияси (НСДАП)нинг ҳарбий тузилмаси — СС аъзоси бўлган.
Дастлабки эшитиш жараёни март ойида бўлиб ўтади. Аниқ жадвал судланувчининг соғлиғидан келиб чиқиб тузилади.
Эслатиб ўтамиз, 2015 йилнинг июль ойида Освенцим концентрацион лагерида соқчи бўлиб ишлаган Ҳисобчи лақабли 94 ёшли германиялик Оскар Грёнинг оммавий қотилликларга шерикликда айбдор деб топилиб, тўрт йиллик қамоққа маҳкум этилганди.
Изоҳ (0)