Эронга қарши халқаро санкциялар 16 январь, шанба куни, атом энергияси бўйича халқаро агентлик (МАГАТЭ) Теҳроннинг ядро дастури юзасидан якуний ҳисоботни тақдим этганидан сўнг олиб ташланади. Бу ҳақда Эрон ташқи ишлар вазири Жавод Зариф маълум қилган, дея хабар беради «Ведомости».
Вазир 16 январь куни эрталаб Австрия пойтахтига етиб келган. МАГАТЭ бу ерда Теҳрон «ядро келишуви» бўйича мажбуриятларини бажарганлиги тўғрисидаги ҳужжатни тақдим этиши кутилмоқда.
Эслатиб ўтамиз, ўтган йил июлида Венада Эрон «олтилик» (Россия, АҚШ, Буюк Британия, Франция, Германия ва Хитой) билан санкциялар олиб ташланиши эвазига ядро дастурини қисқартириш бўйича келишувга эришганди.
Изоҳ (0)