БМТ Хавфсизлик Кенгаши Яманда низолашаётган тарафларга бекор қилинган сулҳни тиклашга ва инқирознинг ечимини топиш бўйича 2016 йил январь ойида бўлиб ўтиши мўлжалланган музокараларнинг иккинчи босқичида иштирок этишга чақирди. Бу ҳақда «РИА Новости» берган маълумотларга асосан «Корреспондент.net» хабар қилмоқда.
Уругвайнинг БМТдаги доимий вакили Элбио Росселлининг таъкидлашича, БМТ воситачилигида 2015 йил декабрь ойида бўлиб ўтган тарафлар ўртасидаги музокаралар «тинчлик жараённинг кейинги босқичига» пойдевор яратди.
«Хавфсизлик кенгаши аъзолари яманлик тарафга музокаралар чоғида ўз зиммасига олган мажбуриятларни бажаришга чақирди ва биз тарафларни музокараларнинг январь ойининг ўртасида бўлиб ўтадиган иккинчи босқичида иштирок этишга чақирамиз», ― деди Росселл.
Эслатиб ўтамиз, Саудия Арабистони бошчилигидаги араб давлатлари коалицияси Яманда низолашаётган тарафлар ўртасида тузилган сулҳ муддатининг тугаганлигини эълон қилган эди.
Изоҳ (0)