Украинанинг Черкасская вилояти ҳуқуқ ҳимоячилари ярим йил аввал йўқолиб қолган 11 ёшли болакайни топди, у ертўла уйда яшириниб ётгани маълум бўлди, деб ёзади «Сегодня.ua».
Бола ўзи унча таниш бўлмаган киши билан бирга қазиган ертўладан топилган. Уни шифокорлар кўрикдан ўтказгач, қариндошларига топширишди.
10 ёшли ўғлининг йўқолиб қолгани ҳақида 2015 йил июлида милицияга унинг 43 ёшли онаси маълум қилган. У онаси ва ўгай отаси билан бирга яшаган. Бола ғойиб бўлишидан аввалроқ оила доимий яшаш жойига эга бўлмаган 26 ёшли эркакни уйига ижарага қўйган. Икки ойдан сўнг ижарачи бола билан бирга йўқолган.
Ҳуқуқ-тартибот ходимлари қидирув бошлаган, бироқ болакай ҳеч қаердан топилмаган. Янги йил арафасида эса болани ўзи ота деб атаётган нотаниш эркак билан кўришганини айтишган.
Аниқланишича, болакай ота-онаси билан келишмай қолгач, уйни тарк этган. Ижарачи унга яхши муносабатда бўлиб, унга ғамхўрлик қилгани учун у билан бирга кетган. Айни пайтда ушбу маълумотлар текширилмоқда.
Изоҳ (0)