АҚШ мудофаа вазирлиги КХДРда ядро синовлари ўтказиладиган полигон яқинида зилзила содир бўлгани ҳақидаги маълумотларни ўрганмоқда, деб ёзади «Корреспондент.net».
«Биз Шимолий Корея ядро полигони яқинида содир бўлган зилзиланинг эҳтимолий сабабларини ўрганмоқдамиз», — деди АҚШ ҳукумати вакили.
Нашр эслатишича, аввалроқ КХДР шарқида 5,1 магнитудали ер силкиниши юз бергани ҳақида хабар тарқалган эди. Жанубий Корея ва Япония Шимолий Корея ядро синовлари ўтказганини гумон қилмоқда.
Жанубий Корея Ташқи ишлар вазирлиги КХДР томонидан ўтказилган ядровий синовни қоралаб, халқаро тинчликка қарши қаратилган қадам ва БМТ Хавфсизлик кенгаши қарорларининг бузилиши деб атади.
Эслатиб ўтамиз, КХДР водород бомбасини синовдан ўтказгани 6 январь куни маълум бўлди. Шимолий Корея шундай қуролга эга эканлиги ҳақида мамлакат етакчиси Ким Чен Ин 2015 йил декабрь ойида эълон қилганди.
- Воқеалар ривожи: КХДРнинг водород бомбаси
Изоҳ (0)