BMT Xavfsizlik Kengashi Yamanda nizolashayotgan taraflarga bekor qilingan sulhni tiklashga va inqirozning yechimini topish bo‘yicha 2016-yil yanvar oyida bo‘lib o‘tishi mo‘ljallangan muzokaralarning ikkinchi bosqichida ishtirok etishga chaqirdi. Bu haqda “RIA Novosti” bergan ma’lumotlarga asosan “Korrespondent.net” xabar qilmoqda.
Urugvayning BMTdagi doimiy vakili Elbio Rossellining ta’kidlashicha, BMT vositachiligida 2015-yil dekabr oyida bo‘lib o‘tgan taraflar o‘rtasidagi muzokaralar “tinchlik jarayonning keyingi bosqichiga” poydevor yaratdi.
“Xavfsizlik kengashi a’zolari yamanlik tarafga muzokaralar chog‘ida o‘z zimmasiga olgan majburiyatlarni bajarishga chaqirdi va biz taraflarni muzokaralarning yanvar oyining o‘rtasida bo‘lib o‘tadigan ikkinchi bosqichida ishtirok etishga chaqiramiz”, ― dedi Rossell.
Eslatib o‘tamiz, Saudiya Arabistoni boshchiligidagi arab davlatlari koalitsiyasi Yamanda nizolashayotgan taraflar o‘rtasida tuzilgan sulh muddatining tugaganligini e’lon qilgan edi.
Izoh (0)