ОАВ: Филиппинда тошқин қурбонлари сони 35 кишига етди

Кучли ёмғирлар оқибатида Филиппинда юзага келган сув тошқини қурбонлари сони 35 кишига етди. Бу ҳақда AFP берган маълумотларга асосан «ТАСС» хабар қилмоқда.

Бунинг оқибатида, Филиппин президенти Бенигно Акино мамлакатда фавқулодда ҳолат жорий қилди.

Табиий офатнинг асосий зарбаси Минданао ва Висай оролларига келиб тушиб, ушбу ҳудудларда соатига 30 миллиметрдан зиёд ёғин миқдори қайд этилди. Синоптиклар кун давомида об-ҳавонинг янада ёмонлашиб кетишини тахмин қилмоқда.

Сув тошқини хавфи туфайли 800 минг нафардан кам бўлмаган маҳаллий аҳоли вакили Филиппиннинг марказий ҳудудларидан эвакуация қилинди.