БМТ Хавфсизлик Кенгаши 18 декабрь, жума куни бир овоздан Суриядаги низоларни тартибга солишнинг Венадаги учрашувларда шартлашилган тамойилларини қўллаб-қувватловчи резолюцияни қабул қилди, дея хабар бермоқда «ТАСС».
Ҳужжат бош котибни «иложи борича тезроқ, тахминан 2016 йил январида» Сурия томонлари билан Женева коммюникеси, шунингдек, Сурияни қўллаб-қувватлаш халқаро гуруҳи қарори асосида музокаралар олиб боришга чақиради.
Матнда Суриядаги ярашув ёқланган, у низо томонлари «сиёсий ўзгаришларни амалга ошириш учун илк қадамларини қўя бошлаганидан» кучга кириши айтилган.
Резолюция олти ой ичида ўтиш даври ҳукуматини тузиш, шунингдек, 18 ойдан кеч бўлмаган муддатда янги конституцияга мувофиқ «эркин ва адолатли сайловлар» ўтказишдан иборат сиёсий жараённи қўллаб-қувватлайди.
Изоҳ (0)