Бугун,

  • USD 11014.01
  • RUB 191.8
  • EUR 10674.78

Матбуот анжуманида «Эхо Москви» журналисти Владимир Путинга унинг Рамзан Қодиров билан Борис Немцовнинг ўлдирилиши бўйича иш ҳақида гаплашган-гаплашмагани ҳамда жиноятга алоқадорликда гумон қилинаётган «Север» батальони ҳарбийларини таъқиб этиш ҳақидаги масала кўтарилган-кўтарилмагани ҳақида савол берди. Бу ҳақда «Газета.ru» хабар бермоқда.

Фото: «Vesti.az»

Фото: «Vesti.az»

«Мен Немцов билан шахсан таниш бўлганман. У билан ҳеч қачон муносабатларни бузмаганман, бироқ у сиёсий жанг йўлини танлади. Аммо бу шу одамни ўлдириш керак, дегани эмас, мен буни ҳеч қачон қабул қила олмайман», — деди Путин.

«Сиз улар гоҳ Чеченистонда, гоҳ хорижда яшириняпти, деб ёзасизлар. Буни аниқлаштириш керак. Чеченистон раҳбарияти билан мен бу масалаларни муҳокама қилмаганман ва қилмоқчи ҳам эмасман», — дея таъкидлади Россия президенти.

У ишни текширишга кўп йиллар кетиши мумкинлигини қайд этди.

«Ҳеч ким ҳеч кимни хаспўшламоқчи эмас, аммо холис тергов маълумотларини кутиш керак», — деди Путин.

Эслатиб ўтамиз, аввалроқ халқаро савдо марказида Россия президенти Владимир Путиннинг анъанавий катта матбуот анжумани бошлангани хабар берилган эди.

Изоҳ
Асосий янгиликлар