Парижда 13 ноябрь куни содир бўлган кетма-кет терактлар натижасида жабрланганларга ҳамда қурбон бўлганларнинг оилаларига тўланадиган товон пули 300 миллион еврогача бўлиши мумкин. Бу ҳақда Франция адлия вазири Кристиан Тобира ОАВ вакилларига маълум қилди, деб ёзади Meduza.
Унинг сўзларига кўра, жами 6,7 миллион евро терактда ҳалок бўлганларнинг қариндошларига тўланиб бўлган. Яна 771 минг евро қурбонлар оила аъзоларининг транспорт харажатларини қоплашга ва терактда жабрланганларга йўналтирилган.
Эслатиб ўтамиз, Парижда 13 ноябрь куни терактлар кетма-кетлиги содир этилиб, қўпорувчилик ҳаракатлари оқибатида 130 киши ҳалок бўлган, 352 киши яраланган эди.
Аввалроқ Франция махсус хизматлари 2010 йилдан буён Парижнинг «Батаклан» концерт залида эҳтимолий теракт хавфи ҳақида маълумот олгани хабар берилган эди.
Изоҳ (0)