Matbuot anjumanida “Exo Moskvi” jurnalisti Vladimir Putinga uning Ramzan Qodirov bilan Boris Nemsovning o‘ldirilishi bo‘yicha ish haqida gaplashgan-gaplashmagani hamda jinoyatga aloqadorlikda gumon qilinayotgan “Sever” batalyoni harbiylarini ta’qib etish haqidagi masala ko‘tarilgan-ko‘tarilmagani haqida savol berdi. Bu haqda “Gazeta.ru” xabar bermoqda.
“Men Nemsov bilan shaxsan tanish bo‘lganman. U bilan hech qachon munosabatlarni buzmaganman, biroq u siyosiy jang yo‘lini tanladi. Ammo bu shu odamni o‘ldirish kerak, degani emas, men buni hech qachon qabul qila olmayman”, — dedi Putin.
“Siz ular goh Chechenistonda, goh xorijda yashirinyapti, deb yozasizlar. Buni aniqlashtirish kerak. Checheniston rahbariyati bilan men bu masalalarni muhokama qilmaganman va qilmoqchi ham emasman”, — deya ta’kidladi Rossiya prezidenti.
U ishni tekshirishga ko‘p yillar ketishi mumkinligini qayd etdi.
“Hech kim hech kimni xaspo‘shlamoqchi emas, ammo xolis tergov ma’lumotlarini kutish kerak”, — dedi Putin.
Eslatib o‘tamiz, avvalroq xalqaro savdo markazida Rossiya prezidenti Vladimir Putinning an’anaviy katta matbuot anjumani boshlangani xabar berilgan edi.
Izoh (0)