Халқаро савдо марказида Россия президенти Владимир Путиннинг анъанавий катта матбуот анжумани бошланди, дея хабар бермоқда «ТАСС».
Путиннинг журналистлар билан мулоқот шаклидаги «Йиллик ҳисобот»и ўн биринчи марта ўтказилмоқда.
Бу йил тадбирда қатнашиш учун журналистларнинг рекорд сони — 1390 нафар Россия ва хориж ОАВлари вакиллари аккредитациядан ўтган.
Путин ОАВ вакиллари билан ҳар йили учрашиш анъанасини 2001 йилда бошлаган, ўшанда Кремль матбуот хизматида президент билан интервью учун катта миқдорда аризалар йиғилган эди.
Путин анъанавий матбуот анжуманларини 2008 йил майидан 2012 йил майигача — бош вазир лавозимини эгаллаб турган даврда узган, бироқ 2012 йилда президентликка сайлангач, бу амалиётни қайта тиклаган эди.
Изоҳ (0)