Бугун,

  • USD 10940.05
  • RUB 182.26
  • EUR 11121.65

Бундан олти йил аввал ҳаётдан кўз юмган Майкл Жексоннинг Thriller номли машҳур мусиқий альбоми АҚШда 30 миллион нусхада тарқалган тарихдаги биринчи пластинка бўлди. Бу ҳақда Америка овоз ёзиш компаниялари ассоциацияси (RIAA) вакиллари маълум қилди, дея хабар беради «ТАСС».

Фото: AP

Фото: AP

«RIAA пластинкаларга ‘олтин’ ва ‘платинали’ мақомини 60 йилдан бери тақдим этиб келади, аммо альбом 30 миллион нусхада тарқалгани тарихда биринчи марта қайд этилиши», — дейилади ассоциация баёнотида. Диск RIAA томонидан «олтин» деб тан олиниши учун 500 минг нусхада сотилиши керак, ушбу кўрсаткич 1 миллиондан ошганда эса унга «платинали» мақоми берилади.

1982 йилда дунё юзини кўрган Thriller орадан икки йил ўтиб фақат АҚШнинг ўзида 20 миллиондан зиёд нусхада сотилди. RIAA маълумотларига кўра, бугунги кунга келиб мазкур альбом бутун дунёда 100 миллиондан ошиқ нусхада тарқалган.

Эслатиб ўтамиз, олдинроқ Майкл Жексон энг бой марҳум машҳурлар рейтингида бошчилик қилаётгани, у оламдан ўтгандан бери келтирган даромад 1 миллиард доллардан ошгани тўғрисида хабар берилганди.

Изоҳ
Асосий янгиликлар