Россия президентининг матбуот котиби Дмитрий Песков Россия ва Туркия ўртасидаги муносабатларга СУ-24 билан боғлиқ можаро туфайли путур етганидан афсусда эканлигини билдирди. Бу ҳақда «РИА Новости» хабар бермоқда.
«Россия 24» телеканалига берган интервьюси чоғида Песков Туркия Су-24 уриб туширилгани учун айбни тан олмаётганлиги ҳақидаги саволга жавоб берар экан, «Буни мутлақо тушуниб бўлмайди. Фақат бир неча ўн йиллар давомида мустаҳкам пойдевори яратилган муносабатларимиз шунчалик даражада бузилганидан чуқур афсусланиш мумкин», дея таъкидлаб ўтган.
Изоҳ (0)