Украина ҳукумати Қримга маҳсулотлар ва хизматлар етказиб бериш, шунингдек, яриморолдан товар ва хизматлар келтирилишини ман этувчи қарор қабул қилади. Бу ҳақда ҳукуматнинг 16 декабрь, чоршанба куни бўлиб ўтган мажлисида бош вазир Арсений Яценюк маълум қилди, дея хабар беради «Корреспондент.net».
«Шахсий буюмлар, ижтимоий қийматга эга озиқ-овқат маҳсулотлари ва гуманитар ёрдамдан ташқари барча товар ва хизматлар етказиб берилиши тақиқланади. Қримга электр энергияси берилишини давом эттириш тўғрисидаги қарорни Миллий хавфсизлик ва мудофаа кенгаши қабул қилади», — дея таъкидлаган Яценюк.
Қарор қабул қилинган кундан бошлаб 30 кундан кейин кучга киради.
Олдинроқ, 23 ноябрда Украина президенти Пётр Порошенко Қрим билан савдо ва транспорт алоқасини тўхтатишни таклиф қилганди.
Изоҳ (0)