Техасда поезд шамол туфайли автомобиль йўлига қулаб тушди

АҚШнинг Техас штатида жойлашган Лафкин шаҳрида шамол туфайли юк поездининг бир нечта вагони рельслардан чиқиб кетиб, кўприк устидан автомобиль йўлига қулаб тушди. Бу ҳақда «Газета.ru» хабар беради.

Жабрланганлар ҳақида маълум қилинмади. Автомобиль қатнов йўли ва темир йўл ҳодисадан сўнг ёпиб қўйилди. Маҳаллий полиция аҳолига ноқулай об-ҳаво шароитида ҳаракатланишда эҳтиёт бўлишни ва имкони борича сафарга чиқмасликни тавсия қилмоқда.

Ҳодиса сабабларини ўрганиш билан Миллий метеорология хизмати ҳам шуғулланади.