Малайзиядаги учта эгасиз самолётнинг эгаси топилди

Малайзиянинг Куала-Лумпур шаҳар аэропортида топилган учта эгасиз самолёт Swift Air Cargo юк ташувчи авиакомпаниясига тегишли бўлиб чиқди. Бу ҳақда авиакомпания вакиллари берган маълумотларга асосан Meduza хабар қилмоқда.

Swift Air Cargo баён қилишича, улар самолётларни 2015 йил июнь ойидан буён олиб кетолмай турибди. Баёнот билан бирга авиакомпания Boeing’ларни харид қилганлигини тасдиқловчи патталарни ҳам намойиш қилди.

Куала-Лумпур шаҳар аэропортига хизмат қилувчи Malaysia Airports Holdings Berhad компанияси бу ҳужжатларга эътироз билдирмоқда.  Бошқарувчи директор Бадлишам Газалининг таъкидлашича, компания самолётларнинг бир нечта тахминий эгаларини топган, лекин лайнерлар уларнинг айнан қайси бирига тегишли эканлигини аниқлай олмаяпти.

Malaysia Airports Holdings Berhad компанияси Swift Air Cargo’нинг айбловларига ҳозирча жавоб бергани йўқ.

Эслатиб ўтамиз, 9 декабрь, чоршанба куни Малайзия пойтахти Куала-Лумпурдаги халқаро аэропортда юк ташувчи учта Boeing 747-200F’нинг эгалари қидирилаётганлиги ҳақида хабар қилинган эди.