БМТ бош котиби Пан Ги Мун 6 декабрь куни, Парижда 13 ноябрда содир бўлиб, 130 кишининг ҳаётига зомин бўлган терактлар қурбонларини хотирлади, дея хабар бермоқда «ТАСС». У пойтахтдаги Bataclan концерт зали биноси ёнига гул қўйди, у ерда террорчилар қўлидан фожианинг энг кўп қурбонлари ҳалок бўлган эди.
Шундан сўнг бош котиб Париж мэри Анн Идальго билан бирга ўша машъум тунда отишмаларнинг яна бир манзили бўлган ва икки кунгина аввал қайтадан иш бошлаган La Bonne кафесига борди.
Пан Ги Мун Париж сўнгги вақтларда ҳақиқий «қаршилик тимсоли»га айланганини таъкидлади.
БМТ бош котиби Парижда БМТнинг иқлим ўзгариши масалаларига бағишланган жаҳон анжуманида қатнашмоқда. Терактлар содир бўлган жойларга у ўз ташаббуси билан ташриф буюрди.
Изоҳ (0)